Vi går ut ifrå at det er mannen som snorkar, men kva med dei kvinnene som snorkar? Finst dei? Er det alltid mannen som har skulda?

Det som fekk meg til å tenkje på dette emnet er eit kåseri eg nettopp har lese ”Den snorkande mannen” av Helen Frøyseth. Ho skriv om kvifor menn snorkar, og klagar over det. Kvinnene kan jo gjere det på akkurat same måten, berre at det ikkje blir lagt like stor vekt på?

Kvinner kan vel snorke i like høg grad som menn, men det er det vist ingen som tenkjer på. Det er vell akkurat like stor sjanse for at ei kvinne kan ta eit stort åndedrag, og det som kjem ut er zzZ – lyden, som mest høyrer ut som grise-lydar.

Eg er sikker på at alle har høyrt ei klagande kone som ikkje veit kva ho skal gjere med mannen si snorking. ”Eg veit ikkje kva eg skal gjere. Eg får snart ikkje sove om nettene…!” Kven veit, det ho eigentleg høyrer kan vere hennar eigne snorke-lydar, men uansett søv menn så tungt at dei ikkje har vett til å klage. Menn sit derfor igjen med å alltid vere syndebukken.

Kvinner kan gjere mykje rart for å få stoppa ulydane, i villing kan dei både slå og sparke, ja til og med sleppe ut nokon skjellsord. Alt for at mannen skal halde kjeft. Mannen har snart ingenting han skulle ha sagt, han må berre følgje det kvinna vil, og slik skal det vere.

Blir kvinna aldri ein syndebukk? Er det noko som har blitt gjort feil i husarbeidet, er det som alltid, mannen som har skulda. Er det noko i det heile tatt som er blitt gjort feil, har mannen skulda. Akkurat, kvinnene er feilfri…

Kvinner får ikkje skuld for noko, og er aldri syndebukken. Menn må rett og slett lære å forsvare seg sjølv! Verken meir eller mindre. Kvinner har tatt overhand, utspekulerte og fornøgde, medan menn bøyer seg etter korleis kvinna vil ha det.

Menn! Kvinner er ikkje feilfri – stand up for your selves!