Dei siste dagane har det vore mykje snakk om skulepolitikk i tilknyting til valet. Mellom anna har det kome forslag om orden og oppførselskarakterar i barneskulane. Det har også vore mykje snakk om varm skulemat, men eg har ikkje sett mykje til det enno.

Eg er spesielt opptatt av forslaget om lengre skuledagar og mindre heimelekser. Om skuledagane kunne utvidast med ein studietime kvar dag, vil det vere mogleg for alle å få lærarhjelp til leksene sine. Det er ikkje alle som får hjelp til dette heime, og dei vil då få det vanskelegare å meistre skulefaga. Med lærarhjelp på skulen til dette vil dei kanskje klare leksene betre og lære meir. Då vil det vere likt og meir rettferdig for alle. Dessutan er mange skuleelevar slitne etter lange dagar på skulen, og dei fleste vil ha fritid når dei kommer heim.

Eg seier difor: Ja! til lengre skuledagar!